الصداقة

الصداقة

ماروعها من كلمة ,كلمة ياريت كل الناس تفهم معناها :_ اللي شجعني اني اتكلم في الموضوع دة اني بقيت بسمع ناس كتير بتقول مافيش صداقة بس بجد لما بسمع الكلمة دي انا بضايق اوي الصداقة دي اعظم علاقة وصانا بيها الرسول (ص) اختار الصديق قبل الطريق ولو فكرنا شوية وجبنا كل قصص الرسول وعلاقتة مع اصحابة هنعرف عظمة الصداقة طبعا ماينفعش نقارن بين الناس دلوقت والناس قبل كدة انا مانكرش ان في اصدقاء دلوقت ممكن يكونوا الد الاعداء لينا بس دة من البداية بيكون غلطانا احنا لاننا ماعرفناش نختار بس مش لازم نستنا لما تيجي اللحظة اللي نندم فيها لصداقتنا لحد ومش لازم نفقد اللي بنحبهم عشان نحس بقيمتهم انا بجد بحس بصدمة لما حد يقول خيانة صديق قتلتني ... لية دايما اللي بنحبهم هما اللي بيكونوا سبب في جرحنا ان يطعنك احدهم في ظهرك فهذا امر طبيعي ولكن ان تتلفت وتجدة اقرب الناس اليك فهذة الكارثة بس المشكلة اننا لما بقت تقابلنا مشكلة بنختار اسهل حل وهوة البعد والفراق يعني مثلا حد صحبك أ,صحبتك اللي كانت عشرت عمرك عملت موقف زعلك أ,زعلتك لية نحل المشكلة بمشكلة اكبر لية الفراق بقا سهل كل نفس امارة بالسوء لية مانعتبش اللي يغلط بس من غير عذاب لبعد او تجريح لية كل المشاكل ماتتحلش بالحب انا مش بقصد اتكلم عن العالم المثالي لا انا ااقصد الواقع اللي احنا بنعيشة لية مانكنش متسامحين لية الكلمة دي اتلغت انا اكيد مش قصدي كل الناس بس احنا نفسنا ممكن نكون بنعمل كدة لية ماتكونش صديق بجد وماتتطمعش ان يكون ليك اصدقاء ولكن عندما ستكون صديق ستجد من يكون بجانبك عندما يبتعد عنك باقي العالم انا لاادعي المثالية واكيد انا كمان ممكن اكون وقعت في نفس المشكلة اللي انا كنت بتكلم عنها وهي انك تسامح بس ياريت نخلي قلبنا كبير ونحط نفسنا في موقف غيرنا عشان نعرف نحس بية وياريت كل واحد يشوف الموضوع يقول راية في الصداقة هل هي بجد بتنتهي او بدات تتلاشي ؟وكل واحد يتكلم بصراحة ممكن تسامح صديقك لو زعلك او ضيقك ولا هتختار الحل الاسهل وهوة البعد او الهروب فكلاهما واحد

السلام عليكم ورحمة الله و بركاته.
موضوع جميل ومهم. و للأسف كتير مننا مش عارف قيمة الكلمة ديه .أنا أعتقد في 3 أسباب رئيسية خلتنا ما نحسش أو مانفهمش يعني إيه الصداقة هم الثقة, الخوف , المعزة (عدم الثقة في النفس و في الاخرين و الخوف من الارتباط بالآخرين و عدم الاحساس بحب الآخرين أو عدم معرفة كيفية حب الآخرين) . ممكن نقول إن التنشئة ليها دور كبير في كده برده.بس في النهاية لازم يبقى في أصدقاء لإن الإنسا مايقدرش يعيش لوحده و لازم يبقى في تسامح لإن مافيش حد مابيغلطش. و جزاكي الله خيرا يا منال على هذا الموضوع الإنساني. 

مرسي بجد ع مرورك اللي نور الموضوع وانتي عندك حق في كلامك ويارب يكون بجد عجبك الموضوع ومرسي مرة تانية

موضوع جامد جامد بس هو مين اللي عمل حاجه فيكي قبل كده وسامحتيه اوعي يكون قصدك عليا انا